واعدني وفص ملح وداب
كلماتي:محمدابوالحسن
***********
واعدني عشان
يصالحني
يرضيني ويفرحني
لكن باعني وذبحني
وفص ملح وداب
قاللي بالليل هعدي
آخد يدك في يدي
نسهرسهرة وردي
من غير لوم
أو عتاب
لبست أجمل ماعندي
وبسمتي على خدي
وردي ولا العناب
لاجه حبيبي خدني
ولا حتى افتكرني
وسابني واقفة أبكي
بالساعات عالباب
لاعارفة سرغيابه
ولاإيه اللي نابه
خلاني في حيرة مرة
وقلق وخوف وعذاب
أرن عليه مايردش
قفل تليفونه وطنش
ولاجاني منه جواب
من طيبتي قلقت عليه
مش عارفة
فين أراضيه
قلت اروح أسأل عليه
واشوف بنفسي
جراله إيه
لقيته بنفس المكان
اللي واعدني فيه
ومعاه واحدة غيري
ماسكاه من إيديه
نسيت نفسي ساعتها
وجريت بسرعة عليه
صرخت في وشه
صرخة
من قوتها أغمى عليه
ولما فاق وشافني
قال إيه جاي يعتذرلي
ويقوللي ياريت تقولي
يرضيكي مني إيه
سيبته والدنيا
بتلف بيا
وداريت م الناس
دموع عنيا
لكن نفسي
صعبت عليا
وكان دا أكبر
درس ليا
يا خسارة
عشرة الأحباب
وأمل عشته
طلع كداب
وضربة كانت
قوية عليا
وحب عمري
نهايته خراب
وفي النهاية
كنت الضحية
والأحبة بعد المحبة
صبحوا زي
اتنين أغراب
محمدأبوالحسن
تعليقات
إرسال تعليق