جدول خاص بقلم أ / ياسر فؤاد الجدي
........... جدول خاص ..........
*************************
سلمي طاب ليه وأحضني قلبه
وأوهبي ليه عمرك وخلاص
حبيه علشان عاشق ليكى
يفديكي بروحه وأنفاس
عيشي عمرك جنبه وهتلاقي
أنه اتحولك لميراث
ده الحب صبح عملة وصعبة
في عالمنا وع العام والخاص
نادر ماتلاقي بذور منه
وكأنه دخل جدول خاص
ممنوع لتداوله إلا بورقه
مختومة لدكتور أحساس
تعبنا في دنيتنا تعبنا
من ناس فاقدين للأحساس
لا مشاعر ليها قيمة حداهم
ولا ليهم مبدء أوباش
أنقذنا ياموت يلا أنقذنا
خلصنا ياشيخ من دى الناس
دنيتنا بقت وحشه وناسها
م النادر لما تقول حاص ..
بقلم .. ياسر فؤاد الجدي
الثلاثاء .. ١٣/٦/٢٠٢٣
المنتدى العالمي للأدباء والكتاب العرب
تعليقات
إرسال تعليق