طيب ؟!!"
طيب
والطيبه تشوفها
فى عينيه
بس مشكلته فى لسانه
حبيته ..وهويته ..وعشقته
لكنه..صعب حبه
وحبتين تلاقيه
كريم فى حنانه
طيب حبيبى وبأتحمله
ومين يتحمله غيرى
ديما أحط نفسى فى مكانه
ما الكل مليان عيوب
ومين معصوم
النهارده
ومين كان معصوم من الغلط
أيام الرسول وزمانه
حبيبى لو تعرفوه
تكرهوه
وبارضوا تحبوه
زي ما تحب الورد
وتكره الشوك فى عيدانه
طيب ومسكين وبشوش
لكن لو زعل
أعوذ بالله من شيطانه
تكره اليوم إل شفته
خلقه وكله وكيانه
طيب وعفوي وطاهر
نضيف وجميل
سلس كلامه وبيانه
روحه خفيفه تحسه له
مشاعر وأحاسيس
ذوق وودود وعطوف
وكل مافيه
حلاه وزانه
طيب
والطيبه تشوفها
فى عينيه
لكن مشكلته
فى لسانه
13/7/2021
ترنيمات وخواطر.بقلم)
خيرى حسنى...............)
المنتدى العالمي للأدباء والكتاب العرب
تعليقات
إرسال تعليق