صدفة حب
بقلمي جمال القاضي
بطريقي لحالي روحت مشيت
بالصدفه قابلت تاني هناك
مشهد شوفته غريب
من غير ماأحس عيوني
شافت فيها عيونها
سحرني جمالها ولونها
عدت النظره كتير مرات
وقلت لازم أخد منها ميعاد
لازم أقابلها لوحدي
بس بعيد عن أي زحام
وأحكيلها كمان عن أحلام
كنت ألاقيها بنفس الصوره
مرسومه جوه خيالي
وأسال مين بتكون
وكان الموعد وقت العصر
ساحه مافيها غير نسمات
من بحر وموجه هادي كمان
سألتها منين بتكون بالكون
قالت من وحي خيالك
ال رسمته من غير ماتشوفني
وإسمي ملاك بالوصف الحالي
وساكنه معاك بكل ثواني
إستغربت على رد لقولها
ساكنه إزاي ولامره كنت أشوفك
غير بخيالي أو أحلامي
ردت قالت نفس الشيء
كنت أراقب طيف لمرورك
وحضور لظهورك لما تمر
بشارع وأشوفه فيه من شباك
وبين وبين نفسي أقول
نفسي يصادف حظي أحلامي
ويبقى نصيبي وأقول دا حبيبي
ولما قابلت صدفه هدوء خطواتي
كان برضايا لإن إحساسي
كان بيقولي ماشي وراك
ولما لاقيتك طلبت ميعاد
فرحت لأنه يتحقق حلمي
ويصبح واقع أعيشه معاك
وفرحت لقولها وقلت بحبك
كلمه وكانت بينا بدايه لعمر جديد
وكتبنا مابينا وثيقة حب
نسخه معايا ونسخه معاك
وكان للقانا وعد لبكره فيه نتقابل
ونكمل باقي حكاوي الحب مابينا
ونعيش أحلامنا زي ماكنت
وكنا نشوفها في ليل أحلامنا
حكاية حب لإثنين عشاق كان بدايها
صدفه جميله ونهايتها تكون
أعيش باقي العمر معاك
وأحبك فيها حب جديد
لايعرف معنى خصام ولامعنى لهجر
نسامح فيه وننسى الحزن
ونبقي الفرحه عروسه جديده
بزفة حب وساكنه بحجرات القلب
بقلمي/ جمال القاضي
جمهورية مصر العربية
تعليقات
إرسال تعليق