مساجلة شعرية بين شعراء الأدب الشعبي
الشعراء هم :
الشاعر/ أ. ابو وائل الحافدي
الشاعر/ أ. غيلان توتي
الشاعر/ أ. وليد الثجري
البدع من الشاعر ابو وائل الحافدي
يقول أبـو وائل بقدرة قـــادر
مجنون ليلى صار عاقل حاره
وأحمدعضيمان قدهواليوم شاعر
ارزاق مـاهي شـي علا البكـاره
صبرت كم جهدي وغيري صابر
اتلخبـطت وأعصــــابنا منـــهاره
يامرسـلي هذا جــوابي ســـافر
امسك جــوازك والحق الطياره
لاعنـدابو النسـر الصديق البـاهـر
اهده سلامي واسئل ايش اخباره
رمز الكـرم بالــخـير داره عامــر
طيبــه ونـخــــوه زنجـبيل بغباره
لاقلت ياابوالنسر قلك حاضر
يوقف مع الصاحب بكل عساره
وإسئل علا غيلان عاده سامر
اهـــده سلامي و صــله لاداره
شاعر محنك دوم قرنه عاصر
في القبيله نال الشرف بجداره
ها يابزي غامر وانا باغامر
الحر يفهم يابزي بإشاره
مازال ابوسياف وعده سابر
اركب مع موجه وغوص بحاره
من فجر ربي دام عظمك جابر
هات الشبك والحبل والصناره
نصداد من صيده ولوهو خاسر
مافي السنه ذي يشتري سياره
الله يزيده لين يصبح تاجر
بايدعم أصحابه ويكرم جاره
كثيرنا في عيشته بيكابر
وراس ماله هاتفه وضماره
والبعض محسوب كالحمارالعاشر
وتعـــرفو قصــة جحى وحــماره
ختامها ذكر النبي الطــــــاهر
ذي فضله رب العباد واختاره
خير البشر ذكره يغيض الكافر
وانا من اتباع النبي وانصــــاره
مع تحيات أبووائل أبو وائل ألحافدي
تعقيب الشاعر/ غيلان التوتي
سبحـــــان مــــن هـــو للعوالم ساتر
والقــى الكـــــواكب في الفضادواره
حافـــض مراكب في البحور تسافر
مـــــن فـــوق مـــوجه ساقها بِقَداره
مـــن بعد يابحر البحــــور الزاخـر
إحــــنا معـــاك في زورقــك بَحٌاره
انـــته امير الشعــــــــر وانت الأمِر
وانــــته لنا الكبتن في الطــــيا ره
يعيــــش ابـــو وائل وحرفه فاخر
اقَلْ رتـــــبه لـــه رئـــــيس. وزاره
وانا. ويابو نسر. باطـــــن ضاهر
إحنــــا جنودك يمْنتك ويساره
بدي تساعدني انا لك شاكـــــر
ومـــن لي تجمْل يرتفع مقداره
الفين ريال. الخير عندك وافر
والكهرباء. وانا على النـــــــواره
سِلفه وغيلان. لِسٌلف مـش ناكر
سِلفه مضٌمـــــن ردْها بذكـــــاره
هذا وعفوا لاجوابــــي قـــاصـر
ولا في ابياتي قليل إثاره
تعقيب الشاعر ابوالنسر وليد الثجري
يا مرحبا ما اهتل مزن الماطر
عد النجوم ذي في السماء دواره
بااقوال شاعر نظم شعره فاخر
الفوز له لاقد دخل مظماره
اقوال ابو وائل وحرفه عاطر
كنه عبير الورد من ازهاره
جتني حروفه عبر بث مباشر
من واقع احداث الحدث واخباره
اخبار عن حال الغبي والشاطر
في وضع من يربح.بدون خساره
في سوق كل الناس فيها خاسر
والرابح ابن السوق والسمساره
اما ولد توتي فمثله نادر
في عزته وجهوده الجباره
ماهو لحد.محتاج.له ومناظر
مثلي ومثلك محتشم في داره
من مال ابوه والجد داره عامر
بالخير يشهد كلمن له زاره
اكرم من السيل الغزير الهادر
ذي من جباله يستكب بغزاره
قد جاد من جوده وطيب الخاطر
بااحناج اكباده اسود ونماره
سياف مثل النجم ذيهو سامر
لجل الوطن قاتل بكل جساره
غيلان يدي للبلاد الصادر
مايستلم وارد ثمن اصداره
و احنا معه باندعمه ونناصر
يارزح ابوصالح ودعم اعصاره
ياصلب مرشد بايشب القاصر
الجيل ذي عاده جديد اصداره
ويطيبوا نفسي ونفسك باكر
ويعيشونا في رخا وحضاره
المنتدى العالمي للأدباء والكتاب العرب
تعليقات
إرسال تعليق