من أصداء ذكرى المولد النبوي الشريف

لملمينى بقلم أ : جمعة الجر 

لملمينى 

بقلم أ : جمعة الجر 

لملمينى جوا منك..

داوى جرحى طيبينى...

حافظى ع اللى باقى منى..

دارى دمعى واسترينى...

دوبينى فى حضن قلبك اسكنينى...

توهينى فى زحمة الأحزان..

وارجعى من تانى ولاقينى...

غربينى مليون سنه فى قلب عينك..

ابنى الف سد مابينى ومابينك..

وأما شوقك هينديكى..

خلفى عقلك واندهينى...

صدقينى ميت وعينى مفتحه والكل فاكرنى حى..

كل اللى فات وانتهى..

مافضلش زيه فى اللى جى..

فبلاش ياعمرى تضيعينى...

فجرينى ألف بركان م المشاعر..

ارسمينى نجمه فى جبين اللى فاكر..

طمعينى فى حبك اكتر..

بس اوعى يجى يوم..

تخلى بيا وتسبينى...

ازرعينى فى أرض قلبك خضرينى...

واحصدينى وقت مايحين الجفاف..

هتلاقينى لو مر بيكى سنين عجاف.. 

طمنينى لما الخوف يتملك م القلوب.. 

وفى قلب قلبك امنينى... 

قربينى منك يا عمرى..

نفسى مره تحضنينى...

وإن لقيتى أنى ماستهلش..

لو حد سألك مره عنى أبقى انكرينى...

جمعه الجر

المنتدى العالمي للأدباء والكتاب العرب