قصة قصيرة
الاستاذ اللي مولع سيجاره
في الكنبه الاخيره
ممكن تطفيها
الجمله دي
قالها سواق ميكروباص
لشاب كان راكب
وساند دماغه ع الشباك ..
رد عليه الشاب
مش هطفيها
ولو مش عجبك نزلني
اسلوب الشاب استفز السواق
راح السواق وقف مره واحده
معناها اتفضل انزل
جه الشاب نازل
السواق بص فيه لقاه كان بيبكي ولسه مخلص بكاء
وملقاش غير السجاره
يطلع همه فيها
ف بسرعه السواق
لحق الموقف بشياكه
وعشان ميزودش خنقه الشاب
فقاله انا مش راكن عشان انزلك لا عشان تخلص السيجاره براحتك عشان هدخل البنزينه افول
ومش هينفع ادخل
وانت معاك سيجاره
فقام الشاب بص للسواق ب ابتسامه عشان هو جبر بخاطره
ورمي السيجاره من غير ما يخلصها وركب تاني
ف السواق طلع بالعربيه من غير
ما يدخل البنزينه
ف الركاب كلهم ضحكوا بما فيهم الشاب
ف السواق قطع ضحكتهم
وسال الشاب نازل فين
فرد عليه ب ابتسامة
مستشفي السرطان
صبري الاشقر
مصر
تعليقات
إرسال تعليق