المربعات ، بقلم شاعر الصعيد / ملاك دميان
المربعات
بقلم شاعر الصعيد / ملاك دميان
جاهل والجهل غالب
طول عمره عامل محاسب
ف الجلسة يعمل مقالب
لا عارف يتكلم ولا يحاسب
لو كان بدك تناسب
قوم أسأل على السلسال
دور لبنك وحاسب
دي بنت الأصول تتاقل بالمال
حساب العبيط
يقل القيمة
تحاسبه يزيط
ويفتكرها شتيمة
الندل ف الجلسة وافق
يتكلم في سيرة الخلايق
طول عمره بعمل مواقف
وياما بهدل خلايق
ماشي الأصيل
لو كان على الفاضي
أوعى اتماشي العاويل
لو هيعملوك قاض
سلم أمورك على الله
أوعى تبات مهموم
رذقك وعمرك ف أيد الله
يابخت اللي بات مظلوم
شاعر الصعيد ملاك دميان
المنتدى العالمي للأدباء والكتاب العرب
تعليقات
إرسال تعليق