عطشان، محمد ابراهيم درويش
عطشان
محمد ابراهيم درويش
راجع مقطوع اربع تربع
والحزن ساكني و متربع
وماجر مفتوح المده
ومصمم مالفرح ما يدفع
......
انا راجع عطشان لهواكي
متعشم اسكن جواكي
هتوافقي وتفتحي باب قلبك
ولا المفتاح مش وياكي
.....
لو يسمح قلبك لو يقبل
وبلاش يتبغدد او يتقل
ويسامح قلبي المكسور
يديلو امل في المستقبل
.....
انا راجع ندمان على بعدك
خسران من نفسي كتير بعدك
وبحاول اعوضلك ماضي
وابنيلك دنيا تكون قدك
......
لو تقبلي قلبي يوريكي
متجرح ازاي بعديكي
وجراحه غويطه و بتنزف
ولا عمره يطيب غير باديكي
......
انا لسا معاكي بتعرف
اذا قلت انا اسف دي تشرف
واذا قولتي موافقه تسامحيني
هيخف القلب وهيرفرف
انا راجع عاوزك علشاني
ولا حاجه ف الدنيا دي منعاني
ولا حد هيقدر يمنعني
لا بكلمه ولا حتى معاني
......محمد إبراهيم درويش........
المنتدى العالمي للأدباء والكتاب العرب
تعليقات
إرسال تعليق